နှစ်သစ်ကို ကြိုမယ့် ငါ့ရဲ့ အစီအစဉ်
မခမ်းနားဘူး
မကြီးကျယ်ဘူး
မထယ်ဝါဘူး
တကယ်တမ်းသာဆို
လိုတောင် မလိုတော့ပါဘူး ♦♦
တကယ်ပါ
ဝေဝါးနေတဲ့ အတိတ်က ပုံရိပ်တွေက မပီပြင်တော့တာ အမှန် ♦♦
အတူသွားခဲ့ဖူးတဲ့ လက်ဖက်ရည်ဆိုင်
ထိုင်ရင်း ညည်းခဲ့တဲ့ သီချင်းသံစဉ်နဲ့
ရွတ်ခဲ့ဖူးတဲ့ ကဗျာအပိုင်းအစ
ရခဲ့ဖူးတဲ့ နှစ်သစ်ကူးကဒ်လေးတွေ
ပျော်ရွှင်ခဲ့ဖူးတဲ့ နေ့ရက်တစ်ချို့
သွေ့ခြောက်နေတဲ့ စံပယ်တစ်ခက်
စာရွက်ဖြူပေါ်က လက်ရေးလှလှလေးတွေ
အင်း ...
သေသေချာချာပြန်တွေးတာတောင်
ခပ်ရေးရေးရယ် ♦♦
ဘာပဲဖြစ်ဖြစ်ပေါ့
တဖြည်းဖြည်းရင့်လာတဲ့ ညနက်နက်မှာ
သက္ကရာဇ်အို ရဲ့ နောက်ဆုံးထွက်သက်ကိုစောင့်ရင်း
ဓာတ်ခဲအသစ်လဲထားတဲ့ နာရီဒိုင်ခွက်ထဲက
တရွေ့ရွေ့ခရီးဆက်နေတဲ့ ခရီးသွားသုံးဖော်
ဆုံမှတ်တစ်ခုကို အတူရောက်ရှိချိန်မှာ
မှတ်ဥာဏ်ထဲမှာ ကျန်နေသေးတဲ့ နံပါတ်တစ်ခုကို နှိပ်လို့
Busy ဖြစ်နေမယ့် နင့်ဖုန်းကို စာတစ်စောင်ပို့မယ် ♦♦
ကောင်ကလေးရေ
ပျော်ရွှင်ဖွယ်နှစ်သစ်ပါကွယ်
ကောင်းမြတ်တဲ့လိုရာဆန္ဒတွေ ပြည့်ဝပါစေသား ♦♦
ငါ့ရဲ့ နှစ်သစ်ကူးအစီအစဉ်လေးက ဒီလောက်ပါပဲ
မခမ်းနားဘူး
မကြီးကျယ်ဘူး
မထယ်ဝါဘူး
တကယ်တမ်းသာဆို
လိုတောင် မလိုအပ်တော့ပါဘူး ♦♦
အရာရာ မပီပြင်မှုန်ဝါးနေပေမယ့်
ထူးခြားတဲ့နေ့သစ်တစ်ခုကို ကြိုတဲ့အချိန်
ငါ သတိရတဲ့သူတွေရဲ့ စာရင်းမှာ
နင့်နာမည် ထိပ်ဆုံးက ဖြစ်နေတုန်းပဲဆိုတာကို သိစေချင်ရုံတင် ♦♦
သံစဉ်ဖြူဖြူ
(၃၁.၁၂.၁၂)
No comments:
Post a Comment