စွန့်ခွာခံရတာလား
ထွက်ခွာလို့ ချန်ခဲ့တာလား
တဖြည်းဖြည်း
အားလုံးနဲ့ ဝေး
ဝေး .. ဝေးလို့ ကွာသွားလေရဲ့ .. ။
စကားဝိုင်းထဲလည်း မဝင်
အသိုင်းအဝိုင်းက ကျဉ်
စည်းဝိုင်းရဲ့အပြင်
အဝန်းအဝိုင်းတိုင်းမှာ မရှင်သန်နိုင်တော့ .. ။
တစ်ကိုယ်ကောင်းဆန်စွာ ပျော်ရွှင်နေခဲ့သူလား
အဖော်အပေါင်းတွေရဲ့ ရင်ကို စုံကန်ခဲ့သူလား
သေချာတာတော့
သူဟာ အထီးကျန်နေသူပါ .. ။
အကျည်းတန်လွန်းနေသလား
မေ့လျော့ထားတဲ့ ရုပ်သွင်ကို ပြန်ရှာ
မှန်ထဲမှာတောင် သူဟာ မမှန်နိုင်တော့ .. ။
ဒီလိုနဲ့ပဲ
ပြုံးချင်ယောင်ဆောင်ထားတဲ့
သိုးမည်းတစ်ကောင်ဟာ
မိုးထဲမှာ ရောလို့
မျက်ရည်တွေ မျှောချနေသတဲ့ကွယ် .. ။
သံစဉ်ဖြူဖြူ
No comments:
Post a Comment