မြင်းမိုရ်လွမ်းချင်း

►►  ဒီနေ့တော့ သည်းသည်းထန်ထန်ပါပဲ
         အဖေ့ကို သတိရနေခဲ့တယ်
        ဘယ်အရာမှ မမြဲဘူးဆိုတဲ့ သဘောတရား
        သိပြီးသားပေမယ့်
        အချို့သောပြောင်းလဲခြင်းတွေက မြန်ဆန်လွန်းတယ် ♦♦

►► ကံဆိုးမသွားလေရာ မိုးလိုက်လို့ရွာ တဲ့
        သမီးကိုယ်သမီး ကံဆိုးမ လို့ မသတ်မှတ်ဖူးသလို
        အဲဒီနေ့က မိုးလည်း မရွာခဲ့ပါဘူး
        ရာသီဥတု ကြည်လင်နေတဲ့နေ့
        အွန်လိုင်းမှာ သူငယ်ချင်းတစ်ယောက်က မေးတယ်
        ဦးနဲ့ အန်တီ နေကောင်းကြလား တဲ့
        “ကောင်းတယ်သူငယ်ချင်း” လို့ လိုအပ်တာတင်မက
        “အဖေက တရားစခန်းဝင်နေတယ်လေ” လို့
        (ဂုဏ်ယူဝံ့ကြွားစွာနဲ့) အပိုဆောင်းပြီး ဖြေဖြစ်ခဲ့တယ် ♦♦

►► ဒါပေမယ့်
        ဒါပေမယ့် အဖေရယ်
        နေ့မကူးသေးတဲ့ အဲဒီညရင့်ရင့်မှာ
        ရိပ်သာမှာ အဖေ အမောဖောက်နေတယ် ဆိုတဲ့သတင်း
        သမီးဆီရောက်လာခဲ့တယ်
        ဖုန်းရပြီး နာရီဝက်အတွင်း
        သမီးတို့ အမြန်ဆုံး လာခဲ့ကြပေမယ့်
        ဆေးရုံကို ခေါ်လာခဲ့တဲ့ အဖေ့ခန္ဓာမှာ
        အသက်ဝိဉာဉ် ပါမလာခဲ့တော့ဘူးလေ ♦♦

►► ရုတ်တရက် ခွဲခွာခြင်း ဆိုတဲ့ စကားလုံးကို
        နဖူးတွေ့ ဒူးတွေ့ ရင်ဆိုင်လိုက်ရခြင်းပါပဲ ♦♦

►► တောင်းပန်တိုးလျှိုးတဲ့ သမီးရဲ့ အကြည့်တွေကို
        စာနာကရုဏာသက်တဲ့ အပြုအမူတွေနဲ့
        သေချာအောင် စမ်းသပ်ပေးခဲ့တဲ့ ဆရာမလေးရယ် ♦

►► အဖေ့ပါးလေးကို လှုပ်ပြီး
        အဖေ အဖေ့ နဲ့ ခပ်တိုးတိုး တတွတ်တွတ်ခေါ်နေတဲ့ အစ်ကိုတစ်ယောက်ရယ် ♦

►► အဖေ အသက်မရှိတော့ဘူး လို့
        ခပ်ကျယ်ကျယ် အသံတစ်ချက်ပေးပြီး
        အော်ငိုနေတဲ့ အစ်မတစ်ယောက်ရယ် ♦

►► ဆီတွေပေကျံနေခဲ့ အဖေ့ရဲ့ရင်ဘတ်ပေါ် မျက်နှာအပ်
        နွေးနေဆဲ အဖေ့လက်တွေကို ဆုပ်ကိုင်ရင်း
        အိပ်မက်မဟုတ်မှန်းသိနေပေမယ့်
        သမီးလေ
        ယောင်တောင်တောင်နဲ့ မင်တက်မိနေခဲ့တယ် ♦♦

►► ငိုလိုက်ကြတာ အဖေရယ်
        အစ်မတစ်ယောက် သတိလစ်သွားတယ်
        အစ်ကိုကြီးကတော့ အံကြိတ်ရင်း စိတ်ထိန်းထားရတဲ့ပုံ
        ညတွင်းချင်း အိမ်မှာစည်ကားသွားတယ်
        အဖေ့ကို ရေချိုးပေးကြတယ်
        အ၀တ်လဲပေးကြတယ်
        (ဘယ်လိုအယူအဆတွေမှန်းမသိပါဘူး)
        အဖေ့လက်တွေ ခြေတွေကို ကြိုးချည်ကြတယ်
        သမီးကတော့ မျောလွင့်နေတုန်းပဲ ♦♦

►► အဖေ သေရင် ငိုစရာမလိုဘူးလို့ ပြောဖူးခဲ့တဲ့ အမှာစကား
        သမီး လိုက်နာခဲ့ပါတယ် အဖေ
        သမီး မငိုပါဘူး
        မငိုဖြစ်ပါဘူး အဖေ
        ပူဆွေးမှုတွေ လွှမ်းခြုံနေတဲ့ အမေ့ရှိုက်သံတွေကြားတဲ့အခါ
        မျက်ရည်နည်းနည်းကျမိတာကလွဲရင်ပေါ့ ♦♦

►► လွမ်းလိုက်တာ အဖေရယ်
        အဖေ သမီးကို ခွဲခွာသွားခဲ့တာ ရက်အတော်ကြာခဲ့ပေမယ့်
        မကြာခဏ သတိရဖြစ်တယ်
        ရှေးရိုးဆန်တဲ့ သမီးတို့ မိသားစုရဲ့ဆက်ဆံရေး
        သမီးနဲ့ အဖေ့ကြားမှာ
        ကြင်နာတဲ့ အနမ်းတွေမရှိပါဘူး
        သမီး နွေးစေဖို့ ထွေးမဖက်ခဲ့ပါဘူး
        ဒါပေမယ့် ကြင်နာတဲ့ ငဲ့ညှာမှုတွေ ရှိတယ်
        နွေးထွေးတဲ့ ဆွေးနွေးမှုတွေ ရှိတယ်
        နားဝင်စေတဲ့ ဆုံးမစကားတွေ ရှိတယ်
        ပဲပြုတ်ကို ဆီဆမ်း၊ ထမင်းကြမ်းခဲကိုလွေးရင်း စည်းမျဉ်းစည်းကမ်းအကြောင်းပြောတဲ့ မနက်ခင်းတွေ ရှိတယ် ♦
        ယပ်တောင်တဖျတ်ဖျတ်ခပ်ရင်း ပူနွေးလာတဲ့ကမ္ဘာကြီးကို အကြောင်းပြု
        ကမ္ဘာ့သတင်းတွေ ပြောပြဖြစ်တဲ့ နွေနေ့ခင်းတွေ ရှိတယ် ♦
        အဖေ့လက်သည်း ခြေသည်း ညှပ်ပေးရင်း ကျန်းမာရေးကိစ္စတွေဆွေးနွေးဖြစ်တဲ့ ညနေခင်းတွေ ရှိတယ် ♦
        ရေနွေးကြမ်းခွက်ကိုယ်စီကိုင်လို့ ပုဂံရာဇ၀င်အကြောင်းပြောဖြစ်ကြတဲ့ လရောင်လင်းတဲ့ ညခင်းတွေရှိတယ် ♦
        အကြောင်းကြောင့် ဖြစ်တဲ့ အကျိုးကို ဆင်ခြင်၊ ပျက်သွားတဲ့ အဖြစ်တွေကို မှတ်
        သတိအမြဲကပ်ဖို့ ဆုံးမခဲ့တဲ့ အဖြစ်အပျက်တွေ ရှိတယ် ♦♦

►► အနေအေးပြီး လူကြောက်တတ်ခဲ့ပေမယ့်
        ပညာရဲရင့် ပွဲလယ်တင့် ဆိုတဲ့ အဖေ့စကားကြောင့်
        လူတောတိုးဖို့ သမီး ကြိုးစားခဲ့တယ် ♦

►► လိမ္မာတဲ့ သားသမီးကို ပိုချစ်တာ ဆိုတဲ့ စကားတစ်ခွန်းကြောင့်
        ပိုအချစ်ခံချင်တဲ့ အဖေ့သမီး လိမ္မာဖို့ ကြိုးစားခဲ့တယ် ♦

►► ဒါပေမယ့်လည်း အဖေရယ်
       သမီး မလိမ္မာခဲ့ဘူး ထင်ပါတယ်
        ဆေးပေါ့လိပ် လက်ကြားက မချချင်ခဲ့တဲ့အဖေ
        သမီးအနားမှာ လာထိုင်လို့
        ဆေးလိပ် မီးခိုးငွေ့တွေ လွင့်လာတိုင်း
        မသိမသာ မှုတ်ထုတ်ပစ်မိခဲ့တာတွေ
        သိသိသာသာ လက်နဲ့ဝှေ့ရမ်းမိခဲ့တာတွေ
        သိပ်များလာရင် အဖေ့အနားက ထသွားခဲ့မိတာတွေ
        အဖေ မျက်နှာပျက်ပြီး
        ဆေးလိပ်ကို ပြာခွက်ထဲ ထည့်ဖြစ်စေခဲ့တာတွေ
        ဒါတွေအားလုံးက အဖေ့ကို ရောဂါမဖြစ်စေချင်တဲ့ စေတနာနဲ့ပေမယ့်
        ခုချိန်မှာ ပြန်တွေးမိရင် ရင်ထဲကျဉ်အောင် ခံစားရပါတယ် ♦♦

►► လိုချင်တာဘာမှမရှိတဲ့သူက ပြည့်စုံတယ် လို့
        လူတတ်ကြီးလုပ်ပြီး ပြောခဲ့တဲ့ သမီးစကားကို
        မှန်တာပေါ့သမီးရယ် လို့ ထောက်ခံခဲ့တဲ့အဖေ
        ဒီလောကကြီးထဲက ထွက်မသွားခင်မှာ
        တပ်မက်မှု လောဘတွေ
        အလိုမကျမှု ဒေါသတွေ
        မှောက်မှားမှု မောဟတွေ
        တတ်နိုင်သမျှ လျှော့ချခဲ့မယ် ထင်ပါရဲ့ ♦♦

►► ကံနဲ့ ကံ ရဲ့ အကျိုးပေးကို ယုံကြည်သက်ဝင်တဲ့ အဖေ့သမီး
        ဘ၀ကူးသွားခဲ့တဲ့ အဖေ ဘယ်ဆီရောက်နေလဲ
        တစ်ခါတရံ တွေးမိတယ် အဖေ
        အဖေပြုခဲ့သမျှ ကုသိုလ်၊ အကုသိုလ်
        ဒီဘ၀မှာတင် အကုန်ပြတ်
        မဂ်ဆိုက်လို့ ဖိုလ်ဝင်
        နိဗ္ဗာန်ရွှေပြည်မြတ်ကို ၀င်နိုင်ခဲ့ပြီလား ♦♦
        ပြုခဲ့သမျှ ကုသိုလ်ကံ အရှိန်သန်လို့
        မြင့်မြတ်တဲ့ ဘုံဘ၀တွေမှာ စံနေမှာလား ♦♦
        အကြောင်းမလှလို့ အကုသိုလ်ကံက အကျိုးပေး
        သိမ်ဖျဉ်းတဲ့ ဘုံဘ၀လေးတွေမှာ ခံစားနေရမှာလား ♦♦

►► အဖေရယ်
        ကံကြွေးမကျေလို့ ဘ၀တွေ ဆက်ရဦးမယ်ဆိုရင်လေ
        ဘယ်လိုဘုံဘ၀မှာပဲ နေနေ
        သမီးပြုသမျှ ကုသိုလ်ရဲ့ အဖို့ဘာဂကို အမျှဝေပါရစေ
        အမျှ အမျှ အမျှ ပါ အဖေ
        ရောက်လေရာဘုံဘ၀က ကြားသိတွေ့မြင်လို့
        သာဓု ခေါ်ခွင့်ရပါစေ
        သာဓု ခေါ်ခွင့်ရပါစေလေ ♦♦      ♦♦

သံစဉ်ဖြူဖြူ

၎.၆.၂၀၁၂

♦♦ (၁၆.၂.၂၀၁၂) မှာ ခွဲခွာသွားခဲ့တဲ့ အဖေ့ကို လွမ်းဆွတ်သတိရရင်း

(၁၇.၆.၂၀၁၂) မှာ ကျရောက်မယ့် အဖေနေ့ကို ကြိုဆိုလိုက်ပါတယ် ♦♦