အမေနေ့

အမေ
ဒီနေ့ဟာလေ
မေလရဲ့ ဒုတိယပတ် တနင်္ဂနွေ
Juila Ward Howe က စခဲ့လို့
ကမ္ဘာ့အရပ်ရပ်မှာ အသိအမှတ်ပြု
Mother's Day ဆိုတဲ့ ရက်မြတ်တစ်ခုပေါ့ ♦♦

အမေ
သမီးတို့ နိုင်ငံမှာတော့လေ
အမေ အမေ အမေ နဲ့
ကမ္ဘာတုန်အောင် ဟစ်ကြွေး
ဘဘ ဦးသုခ ရဲ့ အတွေးနဲ့
ခွာညိုတွေ အလှဖြည့်တဲ့
ပြာသိုလပြည့်တဲ့ ရက်ကို
အမေနေ့လို့ သတ်မှတ်ခဲ့ကြတယ် ♦♦

တကယ်တော့ အမေရယ်
နှင်းပွင့်တွေ ဖွဲဖွဲကျ
ဟေမန္တရဲ့ အစ
ဒီလောကထဲ အမေရောက်ခဲ့တဲ့
နိုဝင်ဘာလထဲက ရက်တစ်ရက်ဟာလည်း
သမီးအတွက်တော့ အမေ နေ့ပါပဲ ♦♦

ကိုးလတာ အမေ့ဝမ်းထဲမှာထားလို့

ကိုယ်လက်အင်္ဂါစုံလင်စွာနဲ့
သမီးကို လူ့လောကထဲကို ခေါ်လာပေးခဲ့တဲ့
နွေဦးရာသီထဲက သမီးမွေးနေ့ဟာလည်း
သမီးအတွက်တော့ အမေနေ့ပါပဲ ♦♦

ရက်တွေ ဘယ်လိုပဲ သတ်မှတ်ပါစေလေ
သမီးရဲ့ ခန္ဓာမှာ အသိမြဲနေသမျှ
အမေ့ကျေးဇူးတွေကို အမှတ်ရနေမှာမို့
ကြုံလာသမျှ နေ့ရက်တိုင်းဟာ
သမီးအတွက် အမေနေ့ပါပဲ ♦♦

သံစဉ်ဖြူဖြူ

၁၃.၅.၂၀၁၂ (တနင်္ဂနွေနေ့)