နေ့တစ်နေ့ ♦♦
အဲဒီနေ့ဟာ
အပြင်မှာ နေပူ
ရင်ခွင်မှာ ဗလောင်ဆူတဲ့နေ့ ♦♦
အဲဒီနေ့ ♦♦
အဲဒီနေ့ဟာ
ကသုတ်ကရက်လေအဝှေ့ကြောင့်
နှင်းဆီ ရုတ်တရက်ကြွေတဲ့နေ့ ♦♦
အဲဒီနေ့ ♦♦
အဲဒီနေ့ဟာ
အလွမ်းလှလှတွေ တူးဆွခဲ့လို့
နွမ်းလျလျ မူးရတဲ့နေ့ ♦♦
အဲဒီနေ့ ♦♦
အဲဒီနေ့ဟာ
ရင်တစ်ခုလုံး ကြေမွ
ပုလဲတွေ တစိမ့်စိမ့်ခလို့
တစ်ရှူးထုပ်လေး မိုးရွှဲရတဲ့နေ့ ♦♦
အဲဒီနေ့ ♦♦
အဲဒီနေ့ဟာ
လဂျူလိုင်ရဲ့ ရက်တစ်ရက်
မိုးဥတု စင်စစ် ဖြစ်ပါလျက်
မိုး တစ်စက်မှ မကျတဲ့နေ့ ♦♦
အဲဒီနေ့ ♦♦
အဲဒီနေ့ဟာ တနင်္လာ
အရာရာ နှစ်ခါဖြစ်တတ်လွန်းလို့
နောက်တစ်ခါ ဒါမျိုး မဖြစ်ရဖို့
စိုးရွံ့ ထိတ်လန့်စွာနဲ့
ကံဇာတ်ဆရာကို တောင်းပန်ရတဲ့နေ့ ♦♦
သံစဉ်ဖြူဖြူ
၂၅.၇.၂၀၁၁
No comments:
Post a Comment