► မေတ္တာတစ်ခင်းကိုရွယ်
ဟဒယလွင်ပြင်ကျယ်မှာ
သမုဒယတွေ ကြဲဖြန့်မိလေရဲ့ ~~
► မိုက်မဲ တွေဝေမှု ကာလတွေရဲ့ အလွန်မှာ
တပ်မက်မှု အခက်အလက်တွေ ဝေဆာလို့
အလိုမကျမှု ဆူးတွေလည်း ထွက်ပေါ်လာခဲ့တယ် ~~
► ပျိုးချင်တာ မေတ္တာပါကွယ်
အဝိဇ္ဇာ ဖုံးလွှမ်းခဲ့တော့
သမုဒယကို မှားယွင်းစိုက်ပျိုး
သောကတွေ တိုးသထက်တိုးလို့
နောက်ဆုံးတော့
ဒုက္ခ အသီးအပွင့်တွေသာ ဆထက်ထမ်းပိုး ရိတ်သိမ်းရပေါ့ကွယ် ~~
သံစဉ်ဖြူဖြူ
(၂၅.၈.၂၀၁၃)
No comments:
Post a Comment