ဖန်တီးဖြစ်ခဲ့တဲ့ အဖြူရင့်ရင့် ပြဇာတ်တစ်ပုဒ်

►♥◄  အဖြူရောင် ကကြိုးနဲ့ အသုံးတော်ခံချိန်မှာ
           ဇာတ်ရုပ်တွေ ပီပြင်ဖို့အတွက်
           ဒီပြဇာတ်မှာ         
           ငါ
           မိတ်ကပ်ပါးပါးတော့ လိမ်းထားပါရစေ ♦♦♦

►♥◄ ကန့်လန့်ကာရဲ့ နောက်ကွယ်မှာတော့
           မိုးလေ၀သမကောင်းတဲ့ မုခ
           သိမ်မွေ့တဲ့အပြုံးတစ်ခုကို
           ကြိုးစားပမ်းစားတပ်ဆင်ရင်း
           အရှိန်အဟုန်ပြင်းထန်နေတဲ့ မြစ်တစ်စင်းကို
           အစွမ်းကုန် ဟန့်တားဖို့ပြင်နေလေရဲ့ ♦♦♦

►♥◄ မငိုပါဘူး
           ငါ မငိုပါဘူးကွယ်
           နင် မမြင်ချင်ယောင်ဆောင်ရက်ခဲ့တဲ့ ငါ့ရင်
           ငါ မမြင်သာအောင် ကွယ်ဝှက်ခဲ့တဲ့ နင့်ရင်
           သံစဉ်တွေ ညီညာ နေခဲ့မယ်ဆိုရင် ဆိုတဲ့အတွေးတွေနဲ့တင်
           ငါ နေသာအောင် နေလိုက်ပါ့မယ် ♦♦♦

►♥◄ ဘ၀ ဆိုတဲ့ ကစားပွဲကြီးမှာ
           အချစ် က ကျန်းမာရေးချို့တဲ့နေမှတော့
           အရန်အဖြစ်ပဲ ထားရတော့မှာပေါ့
           အချစ်မပါတဲ့ဘ၀က
           ဆားမပါတဲ့ ဟင်းလို
           ပေါ့ပြက်ပြက်ဖြစ်နေခဲ့မယ်ဆိုရင်တောင်
           အဆာတော့ ပြေလိမ့်မယ် ထင်ပါရဲ့ ♦♦♦


►♥◄ ကဲပါလေ
           တုန်ရီလှိုက်မောဆဲ ပန်းနုရောင်တေးသွားတွေ
           ပြာလဲ့လဲ့ မီးရောင်အောက်က ပဉ္စလက်ဆန်တဲ့ ကကွက်ဆန်းတွေ
           ရပ်တန့်ပစ်ဖို့ အချိန် ရောက်ခဲ့ပါပြီ ♦♦♦

►♥◄ အခု တင်ဆက်မယ့် ပြဇာတ်မှာ
           မီးရောင် လင်းလင်းချင်းချင်းအောက်ကိုဝင်
           ဖြူလွလွ ၀တ်ရုံလေးခြုံလို့
           တည်ငြိမ်တဲ့ သံစဉ်မှာ ပီပြင်စွာ သရုပ်ဆောင်ရတော့မယ် ♦♦♦

►♥◄ ဒါကြောင့်
           ရင်နာတာတွေ အသာထား
           ငါ မိတ်ကပ်ပါးပါးတော့ လိမ်းပါရစေကွယ် ♦♦♦


                                                                သံစဉ်ဖြူဖြူ
                                                                  5.12.11